Аймгийн Байгаль орчин, аялал жуулчлалын газрын даргын өгсөн үүрэг даалгаврын дагуу тус газрын Байгаль орчны хяналтын улсын / ахлах /байцаагчид, Өлгий сум хариуцсан байгаль орчны хяналтын улсын байцаагч, Цагдаагийн газрын албан хаагч нартай хамтарч 2023 оны 04 дүгээр сарын 24, 25-ны өдрүүдэд Өлгий, Бугат сумдын нутаг дэвсгэрт орших Ховд голын эргээс хууль бусаар түгээмэл тархацтай ашигт малтмал олборлож болзошгүй газруудад хяналт шалгалт хийх явцад хууль бусаар голын эргээс хайрга олборлож тээвэрлэсэн 2 зөрчлийг илрүүлж, холбогдох хуулийн дагуу арга хэмжээ авч ажиллалаа.
Иймд иргэдийн анхааралд зөвшөөрөлгүй газраас түгээмэл тархацтай ашигт малтмал болох элс, хайрга, тоосгоны шавар, хүрмэн, боржин, дайргыг олборлохгүй байхыг анхааруулж байна.
