Монгол Улсын Засгийн газар, Холбооны Бүгд Найрамдах Герман Улсын Засгийн газар хоорондын буцалтгүй тусламжийн хэлэлцээрийн хүрээнд БОАЖЯамнаас хэрэгжүүлж буй “Биологийн олон янз байдлыг хамгаалах, уур амьсгалын өөрчлөлтөд дасан зохицох төсөл”-ийн II, III үе шатны санхүүжилтээр Байгаль орчин, аялал жуулчлалын газарт цахим хурлын тоног төхөөрөмжүүдийг нийлүүлэгч байгууллага “Ай Ти Эс Өү” ХХК-ны инженер техникийн мэргэжилтнүүдийн баг угсарч суурилуулан ашиглалтын заавар зөвлөмж өгч хүлээлгэн өглөө.