Дэлхийн байгаль хамгаалах сан/WWF/-гийн Монгол дахь хөтөлбөрийн газрын дэмжлэгээр БОАЖГ, МАНУТХГХЗ, МСҮТөвтэй хамтарч 2023 оны 03-р сарын 23-ны өдөр “Эх дэлхийн цаг” хөдөлгөөний үеэр хүмүүсийн хэрэглэхгүй байгаа хувцсыг хэрэгтэй хүнд өгөх, байгаль орчинд учруулах хор уршгийг олон нийтэд таниулах, “Холио Солио” арга хэмжээг зохион байгуулсан билээ.

Тус арга хэмжээний үеэр хучин болон өмсөхгүй байгаа хувцсыг цуглуулж хэрэгтэй хүнд тарааж, үлдсэн хувцсыг МСҮТ-ийн оёдолчдад өгч сэргээн засварлуулсан. Үүнтэй холбогдуулан 2023 оны 04-р сарын 23-ны өдөр Дэлхийн байгаль хамгаалах сан/WWF/-гийн Монгол дахь хөтөлбөрийн газар, БОАЖГ, МАНУТХГХЗ, МЭХ, Баян-Өлгий, Увс, Ховд, Говь-Алтай аймгийн МСҮТөв, Политехникийн коллежүүдтэй хамтарч загварын шоу арга хэмжээг тус аймагт зохион байгууллаа. Уг арга хэмжээнд баруун бүсийн МСҮТ-ийн багш, сурагчид болон 160 гаруй зочин төлөөлөгчид оролцов.

Бидний хаясан хувцаснууд хөрсөнд 200-аас дээш жил шингэхгүйгээр байгаль орчныг бохирдуулдаг тул оролцогч олон нийтэд хувцсыг удаан хугацаагаар өмсөж эх дэлхийгээ хайрлахад хув нэмрээ оруулах, сэргээн ашиглаж байгальд ээлтэй хувцасны хэрэглээг сурталчилсан болно.